ກອງປະຊູມເຜີຍແຜ່ໂຄງການ ສົ່ງເສີມການສ້າງຕັ້ງລະບົບການອອມເງິນຂັ້ນບ້ານ ແຊມາອຶລກືມໂກ (Village Saving System Seamaul Geumgo) ສປປ ລາວ ທີ່ ແຂວງ ຊຽງຂວາງ, ດ້ວຍທືນຊ່ວຍເຫຼືອລ້າ ຈາກ ສະຫະພັນສະຫະກອນສິນເຊື່ອຊຸມຊົນ ແຊມາອຶລກຶມໂກ ສ. ເກົາຫຼີ.
ໃນຕອນເຊົ້າ ຂອງວັນທີ 16/11/2023,ໃນເວລາ 8:30 ໂມງ ກອງປະຊຸມໄດ້ຈັດຂຶ້ນຢູ່ທີ່ພະແນກກະສິກໍາ ແລະ ປ່າໄມ້ ແຂວງ ຊຽງຂວາງ, ໃຫ້ກຽດເປັນປະທານກ່າວເປີດກອງປະຊຸມ ໂດຍ ທ່ານ ສົມສະໝອນ ຜະລິຈັນ ຮັກສາການຫົວໜ້າພະແນກກະສິກໍາ ແລະ ປ່າໄມ້ ແຂວງ ຊຽງຂວາງ ພ້ອມດ້ວຍ ທ່ານ ສົມພອນ ແກ້ວຫາວົງ ຫົວໜ້າກົມສົ່ງເສິມກະສິກໍາ ແລະ ສະຫະກອນ ກໍ່ໃຫ້ກຽດເປັນປະທາຮ່ວມໃນຄັ້ງນີ້. ກອງປະຊຸມດັ່ງກ່າວ ໄດ້ນໍາສະເໜີ ກ່ຽວກັບການສືກສາຄວາມເປັນໄປໄດ້, ການທົດລອງ ສ້າງກຸ່ມອອມຊັບແຊມາອຶລກຶມໂກ ໃນ ສປປ ລາວ. ເຊິງມີຜູ້ເຂົ້າຮ່ວມທັງໝົດ 16 ທ່ານ, ຍິງ 4 ທ່ານ, ເຊີ່ງມາຈາກ ກົມສົ່ງເສີມກະສິກຳ ແລະ ສະຫະກອນ, ພະແນກກະສິກຳ ແລະ ໄມ້ ແຂວງ ຊຽງຂວາງ, ພະແນກພົວພັນການຕ່າງປະເທດ ແຂວງ ຊຽງຂວາງ ແລະ 2 ເມືອງເປົ້າຂອງໂຄງການ ຄຶ: ເມືອງ ແປກ ແລະ ເມືອງ ຄໍາ
ຈຸດປະສົງຂອງກອງປະຊຸມ:
- ເພື່ອລາຍງານ ການສືກສາ, ການທົດລອງຈັດຕັ້ງປະຕີບັດກຸ່ມອອມຊັບແຊມາອຶລກຶມໂກ ໄລຍະຜ່ານມາ; 2. ເພື່ອນໍາສະເໜີ ກອບໂຄງການ ແລະ ແຜນກິດຈະກໍາ ຂອງໂຄງການ ແຊມາອຶລກຶມໂກ ຢູ່ໃນ ສປປ ລາວ; 3. ເພື່ອຜ່ານເນື້ອໃນບົດສະເໜີໂຄງການ, ກອບໂຄງການ ແລະ ກິດຈະກໍາຂອງໂຄງການ ແຊມາອຶລກຶມໂກ ໃນ ສປປ ລາວ; 4. ເພື່ອຜ່ານ ຮ່າງ ບົດບັນທຶກຄວາມເຂົ້າໃຈ MOU; 5. ເພື່ອເອກະພາບກັນ ໃນການຮັບຮອງ ເອົາແຜນກິດຈະກໍາ ຂອງໂຄງການ ແລະ ຮ່າງບົດບັນທຶກ ການຮ່ວມມືສອງຝາຍ. ເນື້ອໃນ 1.ຜູ້ເຂົ້າຮ່ວມກອງປະຊຸມ ໄດ້ຮັບຟັງການລາຍງານຫຍໍ້ ກ່ຽວກັບ ຮູບແບບການຈັດຕັ້ງປະຕິບັດວຽກຂອງກຸ່ມອອມສັບແຊມາອຶລກຶມໂກໃນໄລຍະຜ່ານມາ ແລະ ການນຳສະເໜີແຜນດຳເນີນງານຂອງໂຄງການແຕ່ລະຂັ້ນຕອນຢ່າງລະອຽດ; 2. ນໍາສະເໜີ ກອບໂຄງການ, ແບບແຜນ ແລະ ກີດຈະກໍາຂອງໂຄງການ ສ້າງກຸ່ມອອມຊັບ ແຊມາອຶລກຶມໂກ ໃນຮູບແບບຂອງ ສະຫະພັນ ສະຫະກອນ ສີນເຊື່ອຊຸມຊົນ ແຊມາອຶລກຶມໂກ ສ ເກົາຫຼີ; 3. ນໍາສະເໜີ ຮ່າງບົດບັນທຶກ ການຮ່ວມມືສອງຝາຍ ຂອງໂຄງການ; 4. ຜູ້ເຂົ້າຮ່ວມໄດ້ສົນທະນາ ປືກສາຫາລື ແບບແຜນດຳເນີນງານຂອງບັນດາກິດຈະກຳຂອງໂຄງການເພື່ອມີຄວາມເປັນເອກະພາບໃນຮູບແບບໃນການຈັດຕັ້ງປະຕິບັດແຜນຮ່ວມກັນ; 5. ປືກສາຫາລື ກ່ຽວກັບ ຂະບວນການຂັ້ນຕອນການປະກອບເອກສານ ເພື່ອຮັບຮອງເອົາໂຄງການຂອງເມືອງເປົ້າໝາຍຂອງໂຄງການ; 6. ໃຫ້ຄໍາແນະນຳ ກ່ຽວກັບ ແນວທາງການຈັດຕັ້ງປະຕິບັດໂຄງການໄປໃນທິດທາງດຽວກັນ ເພື່ອຕອບສະໜອງຕາມຈຸດປະສົງຂອງໂຄງການທີ່ວາງໄວ; 7. ເພື່ອເປັນບ່ອນອີງໃຫ້ໂຄງການສາມາດດຳເນີນແຜນການຈັດຕັ້ງປະຕິບັດໄປຕາມກອບເວລາທີ່ໂຄງການໄດ້ກໍານົດໄວ້ໃນຕາຕະລາງເວລາ; 8. ນໍາສະເໜີການຈັດຕັ້ງປະຕິບັດກ່ຽວກັບການສືກສາທົດລອງວຽກງານກຸ່ມອອມຊັບແຊມາອຶລກືມໂກ(Village Saving System Seamaul Geumgo) ) ໃນຮູບແບບສະຫະພັນສະຫະກອນສິນເຊື່ອຊຸມຊົນ ແຊມາອຶລກຶມໂກ ສ ເກົາຫຼີ ( KFCC).
- ກອງປະຊຸມໄດ້ຕົກລົງເອກະພາບ:
ທ່ານປະທານກອງປະຊຸມ ໄດ້ແນະນຳໃຫ້ 2 ເມືອງ ທີ່ເຂົ້າຮ່ວມໂຄງການ ພ້ອມກັນຄົ້ນຄວ້າປະກອບຄຳເຫັນໃສ່ບົດສະເໜີຂອງໂຄງການ ໃຫ້ສອດຄ່ອງກັບລະບຽບການຂອງການຮ່ວມມືພົວພັນໂດຍສະໃຫ້ເນັ້ນໃສ່ທ້ອງຖີ່ນກໍ່ຄືພື້ນທີ່ເປົ້າໝາຍຂອງໂຄງການ ຢູ່ຂັ້ນເມືອງ, ເຊີ່ງເປີດໂອກາດໃຫ້ບັນດາທ່ານເຈົ້າເມືອງ, ຮອງເຈົ້າເມືອງ ແລະ ຜູ້ເຂົ້າຮ່ວມໄດ້ມີຄຳຄິດເຫັນຕໍ່ການລາຍງານນຳສະເໜີຂອງວິຊາການໂຄງການດັ່ງກ່າວ.
ເຊິ່ງການປະກອບຄໍາຄິດເຫັນ ປະກອບມີສອງພາກສ່ວນດັ່ງນີ້:
- ທ່ານ ຄະນະການນໍາເມືອງ ກໍ່ຄືເຈົ້າເມືອງ ເມືອງ ຄໍາ ແລະ ຮອງເຈົ້າເມືອງ ເມືອງ ແປກ, ໄດ້ປະກອບຄໍາຄິດເຫັນໃສ່ ບົດນໍາສະເໜີຂອງກອບໂຄງການ ໂດຍບົນພື້ນຖານ ເຫັນດີ ບໍ່ວ່າຈະເປັນດ້ານເນື້ອໃນ ແລະ ກິດຈະກໍາທີ່ສອດຄ່ອງກັບການພັດທະນາເສດຖະກິດສັງຄົມ ຂອງບ້ານ ເມືອງ ແລະ ແຂວງ, ພ້ອມດ້ວຍສະເໜີ ເພິ່ມບ້ານເປົ້າໝາຍຈາກ 2 ຫາ 5 ບ້ານ ເພື່ອເປັນຕົວເລກຊີ້ວັດ ແລະ ຄັດເລືອກເອົາຕົວແບບຕື່ມ. ກ່ອນຈະປະກອບຕໍ່ກັບຂັ້ນຕອນຍືນເອກະສານທີ່ຕ້ອງປະຕິບັດຕາມລະບຽບການ ແລະ ພ້ອມໃຫ້ການສະໜັບສະໜູນທຸກໆ ດ້ານໃນການປະກອບເອງກະສານຕ່າງໆ ທີ່ກ່ຽວຂ້ອງ ແລະ ຖືກຕ້ອງຕາມລະບຽບລັດ ລະບຽບຂອງແຕ່ລະກະຊວງທີ່ກ່ຽວຂ້ອງ;
- ຫ້ອງການກະສິກໍາ ແລະ ປ່າໄມ້ ເມືອງ ແປກ ແລະ ເມືອງ ຄໍາ ແມ່ນເຫັນດີ ເປັນເອກະພາບ ກັບຄໍາຄິດເຫັນຂອງເມືອງ ພ້ອມດ້ວຍ ເນັ້ນໃຫ້ມີກິດຈະກໍາ ທີ່ສອດຄ່ອງ ແລະ ຄ່ຽງຄູ່ໄປກັບກິດຈະກໍາ ຂອງ ການສົ່ງເສີມຜະລິດກະສິກໍາເປັນສິນຄ້າ ເພື່ອໃຫ້ຕອບສະໜອງ ແຜນຍຸດທະສາດຂອງກະຊວງກະສິກໍາ ແລະ ປ່າໄມ້ ກໍ່ຄືແຜນຍຸດທະສາດ ຂອງ ສ ປປລາວ ນັ້ນເອງ;
- ພະແນກການຕ່າງປະເທດຂັ້ນແຂວງ ທີ່ກ່ຽວຂ້ອງກັບການສະໜັບສະໜູນ ການປະກອບເອກະສານ ໃຫ້ຖືກຕາມຂັ້ນຕອນ ຕາມເລກທີ 013/ນຍ,ລົງວັນທີ 08/01/2010;
ກອ່ນການປິດກອງປະຊຸມ ທ່ານ ສົມພອນແກ້ວກາວົງ ຫົວໜ້າກົມສົ່ງເສີມກະສິກໍາ ແລະ ສະຫະກອນ, ໃນນາມປະທານກອງປະຊຸມຮ່ວມ ທ່ານໄດ້ໃຫ້ທິດ ແລະ ສະເໜີ ໃຫ້ແຕ່ລະພາກສ່ວນ ເປົ້າໝາຍຂອງໂຄງແນະນໍາ ແລະ ນໍາພາໃນການປະກອບເອກະສານເພຶ່ອຂໍຮັບຮອງເອົາໂຄງການ, ສະເພາະ ຂະແໜງການ ການຕ່າງປະເທດຊ່ວຍດຳເນີນເອກະສານໃຫ້ຖືກຕາມຂັ້ນຕອນ ເພື່ອສະເໜີໄຫ້ກະຊວງທີ່ກ່ຽວຂ້ອງໄດ້ມີບ່ອນອິງ ແລະ ດຳເນີນການໃນຂັ້ນຕອນຕໍ່ໄປ ເພື່ອເຊັນ ບົດບັນທືກຄວາມເຂົ້າໃຈ (MOU). ກອງປະຊູມໄດ້ດຳເນີນເປັນເວລາ 1 ວັນ ແລະ ໄດ້ປິດລົງຢ່າງເປັນມທາງການ ໃນເວລາ 4 ໂມງ :30 ນາທີ ຂອງວັນທີ 15 ພະຈິກ 2023.
ຂຽນໂດຍ: ນ. ຄໍາຫຼ້າ ໄຊຍະແພງ
ກວດແກ້ໂດຍ: ພະແນກຂໍ້ມູນຂ່າວສານການສົ່ງເສີມ ແລະ ເຊື່ອມໂຍງຕະຫຼາດ
Leave a Reply