ກອງປະຊູມເຜີຍແຜ່ວຽກງານກຸ່ມອອມຊັບເຊມາອຶລກືມໂກ ຂອງສະຫະກອນສີນເຊື່ອຊຸມຊົນ ແຊມາອຶລກຶມໂກ ສປປ ລາວ ທີ່ ແຂວງວຽງຈັນ
ໃນຕອນເຊົ້າ ຂອງວັນທີ 03/11/2023,ໃນເວລາ 8:30 ໂມງ ກອງປະຊຸມໄດ້ຈັດຂຶ້ນຢູ່ທີ່ພະແນກກະສິກໍາ ແລະ ປ່າໄມ້ແຂວງ ແຂວງ ວຽງຈັນ, ກອງປະຊຸມໃນຄັ້ງນີ້ໃຫ້ກຽດເປັນປະທານກ່າວເປີດກອງປະຊຸມຢ່າງເປັນທາງການ ໂດຍ ທ່ານ ພູວົງ ບຸນຊູ ຮອງເຈົ້າແຂວງວຽງຈັນ. ກອງປະຊຸມໄດ້ ລາຍງານການສືກສາຄວາມເປັນໄປໄດ້ ໃນການທົດລອງຈັດຕັ້ງປະຕິບັດວຽກງານກຸ່ມອອມຊັບແຊມາອຶລກຶມໂກ ໃນ ສປປ ລາວ. ພ້ອມດ້ວຍ ນໍາສະເໜີຜ່ານຮ່າງບົດສະເໜີໂຄງການ ແລະ ຮ່າງບົດບັນທຶກຮ່ວມມືສອງຝາຍ ຂອງໂຄງການ. ມີຜູ້ເຂົ້າຮ່ວມທັງໝົດ 22 ທ່ານ, ເປັນຍິງ 1 ທ່ານ, ເຊີ່ງມາຈາກ ກົມສົ່ງເສີມກະສິກຳ ແລະ ສະຫະກອນ, ກົມແຜນການ ແລະ ການຮ່ວມມື, ພະແນກກະສິກຳ ແລະ ປ່າໄມ້ແຂວງ, ຫ້ອງການກະສິກໍາ ແລະ ປ່າໄມ້ເມືອງ, ຫ້ອງວາການປົກຄອງແຂວງ, ພະແນກການຕ່າງປະເທດ ແຂວງ ວຽງຈັນ, 03 ເມືອງເປົ້າຂອງໂຄງການ ຄຶ: ມ.ໂພນໂຮງ, ມ. ແມດ ແລະ ມ. ກາສີ.
ຈຸດປະສົງຂອງກອງປະຊຸມ:
- ເພື່ອລາຍງານ ການສືກສາ, ການທົດລອງຈັດຕັ້ງປະຕີບັດກຸ່ມອອມຊັບແຊມາອຶລກຶມໂກ ໄລຍະຜ່ານມາ;
- ເພື່ອນໍາສະເໜີ ກອບໂຄງການ ແລະ ແຜນກິດຈະກໍາ ຂອງໂຄງການ ແຊມາອຶລກຶມໂກ ໃນສ ປປລາວ;
- ເພື່ອຜ່ານເນື້ອໃນ ບົດສະເໜີໂຄງການ, ກອບໂຄງການ ແລະ ກິດຈະກໍາຂອງໂຄງການແຊມາອຶລກຶມໂກ ໃນສປປ ລາວ;
- ເພື່ອຜ່ານຮ່າງ ບົດບັນທຶກຄວາມເຂົ້າໃຈ MOU;
- ເພື່ອເອກະພາບກັນ ໃນການຮັບຮອງ ເອົາແຜນກິດຈະກໍາ ຂອງໂຄງການ ແລະ ຮ່າງບົດບັນທຶກ ການຮ່ວມມືສອງຝາຍ.
ເນື້ອໃນ
- ຜູ້ເຂົ້າຮ່ວມກອງປະຊຸມ ໄດ້ຮັບຟັງການລາຍງານຫຍໍ້ໃນການລີເລີ້ມທົດລອງຄົ້ນຄວ້າການປະຕິບັດງານ ຂອງກຸ່ມອອມຊັບແຊມາອຶລກືມໂກ (Village Saving System Seamaul Geumgo) ) ໃນຮູບແບບສະຫະພັນສະຫະກອນສິນເຊື່ອຊຸມຊົນ ແຊມາອຶລກຶມໂກ ເກົາຫຼີ ( KFCC).
- ນໍາສະເໜີ ກອບໂຄງການ, ແບບແຜນ ແລະ ກີດຈະກໍາຂອງໂຄງການ ສ້າງກຸ່ມອອມຊັບ ແຊມາອຶລກຶມໂກ ໃນຮູບແບບຂອງ ສະຫະພັນ ສະຫະກອນ ສີນເຊື່ອຊຸມຊົນ ແຊມາອຶລກຶມໂກ ສ ເກົາຫຼີ.
- ນໍາສະເໜີ ຮ່າງບົດບັນທຶກ ການຮ່ວມມືສອງຝາຍ ຂອງໂຄງການ;
- ໃຫ້ແນວທາງການຈັດຕັ້ງປະຕິບັດໂຄງການ ໄປໃນທິດທາງດຽວກັນ ເພື່ອຕອບສະໜອງຕາມຈຸດປະສົງຂອງໂຄງການທີ່ວາງໄວ;
- ເພື່ອສາມາດດຳເນີນແຜນການຈັດຕັ້ງປະຕິບັດ ໄປຕາມກອບເວລາທີ່ໂຄງການໄດ້ນຳນົດໄວ້;
- ກອງປະຊຸມໄດ້ຕົກລົງເອກະພາບ:
ທ່ານປະທານກອງປະຊຸມ ຮອງເຈົ້າແຂວງ ໄດ້ແນະນຳໃຫ້ 4 ເມືອງ ທີ່ເຂົ້າຮ່ວມກອງປະຊຸມພ້ອມກັນຄົ້ນຄວ້າປະກອບຄຳເຫັນໃສ່ບົດສະເໜີ ຂອງໂຄງການໃຫ້ສອດຄ່ອງກັບລະບຽບການຂອງການຮ່ວມມືພົວພັນ ໂດຍສະເພາະເນັ້ນໃສ່ທ້ອງຖີ່ນກໍ່ຄືພື້ນທີ່ເປົ້າໝາຍ ຂອງໂຄງການ ຢູ່ຂັ້ນເມືອງ, ເຊີ່ງເປີດໂອກາດໃຫ້ບັນດາທ່ານເຈົ້າເມືອງ ແລະ ຜູ້ເຂົ້າຮ່ວມໄດ້ມີຄຳຄິດເຫັນຕໍ່ການລາຍງານນຳສະເໜີຂອງວິຊາການໂຄງການດັ່ງກ່າວ.
ເຊິ່ງການປະກອບຄໍາຄິດເຫັນ ມີດັ່ງນີ້:
- ທ່ານ ຄະນະການນໍາເມືອງ ກໍ່ຄືເຈົ້າເມືອງ ເມືອງ ໂພນໂຮງ, ເຈົ້າເມືອງ ເມືອງ ເມດ ໄດ້ປະກອບຄໍາຄິດເຫັນໃສ່ ບົດນໍາສະເໜີຂອງກອບໂຄງການ ໂດຍບົນພື້ນຖານ ເຫັນດີ ບໍ່ວ່າຈະເປັນດ້ານເນື້ອໃນ ແລະ ກິດຈະກໍາທີ່ສອດຄ່ອງກັບການພັດທະນາເສດຖະກິດສັງຄົມ ຂອງບ້ານ ເມືອງ ແລະ ແຂວງ. ພ້ອມນີ້ກໍ່ໃຫ້ຄໍາປະກອບຕໍ່ກັບຂັ້ນຕອນຍືນເອກະສານທີ່ຕ້ອງປະຕິບັດຕາມລະບຽບການ ແລະ ພ້ອມໃຫ້ການສະໜັບສະໜູນ ທຸກໆ ດ້ານໃນການປະກອບເອງກະສານຕ່າງໆ ທີ່ກ່ຽວຂ້ອງ ແລະ ຖືກຕ້ອງຕາມລະບຽບລັດ ລະບຽບຂອງແຕ່ລະກະຊວງທີ່ກ່ຽວຂ້ອງ.
- ຫ້ອງການກະສິກໍາ ແລະ ປ່າໄມ້ ເມືອງ ໂພນໂຮງ, ເມືອງ ກາສີ ແລະ ເມືອງ ເເມດ ແມ່ນເຫັນດີ ເປັນເອກະພາບ ກັບຄໍາຄິດເຫັນຂອງເຈົ້າເມືອງ ພ້ອມດ້ວຍ ເນັ້ນໃຫ້ມີກິດຈະກໍາ ທີ່ສອດຄ່ອງ ແລະ ຄ່ຽງຄູ່ໄປກັບກິດຈະກໍາ ຂອງການສົ່ງເສີມການຜະລິດກະສິກໍາເປັນສິນຄ້າ ເພື່ອໃຫ້ຕອບສະໜອງແຜນຍຸດທະສາດຂອງກະຊວງກະສິກໍາ ແລະ ປ່າໄມ້ ກໍ່ຄືແຜນຍຸດທະສາດ ຂອງ ສ ປປລາວ ນັ້ນເອງ.
- ຫົວໜ້າພະແນກພົວພັນການຕ່າງປະເທດ ຂັ້ນແຂວງ ທີ່ກ່ຽວຂ້ອງກັບການສະໜັບສະໜູນ ຈະໄດ້ປະກອບເອກະສານ ໃຫ້ຖືກຕາມຂັ້ນຕອນ ຂອງດໍາລັດເລກທີ 013/ນຍ,ລົງວັນທີ 08/01/2010.
ກອ່ນການປິດກອງປະຊຸມ ທ່ານ ພູວົງ ບຸນຊູ ຮອງເຈົ້າແຂວງໆ ວຽງຈັນ ໃນນາມປະທານກອງປະຊຸມ ໄດ້ໃຫ້ທິດ ແລະ ຊີ້ນຳ ໃຫ້ແຕ່ລະເມືອງເປົ້າໝາຍຂອງໂຄງການ ຈົ່ງພ້ອມກັນເອົາໃຈໃສ່ປະກອບເອກະສານໃຫ້ຄົບຖ້ວນ ເພຶ່ອຂໍຮັບຮອງເອົາໂຄງການ, ສະເພາະ ພະແນກພົວພັນການຕ່າງປະເທດ ຊ່ວຍດຳເນີນເອກະສານໃຫ້ຖືກຕາມຂັ້ນຕອນ ເພື່ອສະເໜີໃຫ້ກະຊວງທີ່ກ່ຽວຂ້ອງເປັນບ່ອນອິງ ແລະ ດຳເນີນການໃນຂັ້ນຕອນຕໍ່ໄປ ເພື່ອເຊັນ ບົດບັນທືກຄວາມເຂົ້າໃຈ (MOU) ກອງປະຊູມໄດ້ດຳເນີນເປັນເວລາ 1 ວັນ ແລະ ໄດ້ປິດລົງຢ່າງເປັນມທາງການ ໃນເວລາ 4:30 ໂມງ ຂອງວັນດຽວກັນ.
ຂຽນໂດຍ: ນ. ຄໍາຫຼ້າ ໄຊຍະແພງ
ກວດແກ້ໂດຍ: ພະແນກຂໍ້ມູນຂ່າວສານການສົ່ງເສີມ ແລະ ເຊື່ອມໂຍງຕະຫຼາດ
Leave a Reply