ພະແນກສົ່ງເສີມການຜະລິດ ແລະ ນໍາໃຊ້ແນວພັນ

ໜ້າທີ່

ຜັນຂະຫຍາຍແຜນຍຸດທະສາດການພັດທະນາ ວຽກສົ່ງເສີມກະສິກໍາ ແລະ ສະຫະກອນຂອງກົມເປັນແຜນ ການ ແລະ ໂຄງການລະອຽດ ເພື່ອຈັດຕັ້ງປະຕິບັດ ຕາມບົດບາດໜ້າທີ່ຂອງຕົນໃຫ້ປະກົດຜົນເປັນຈິງ;
ກຳນົດຫຼັກການ, ລະບຽບການ, ວິທີການ, ມາດຕະຖານດ້ານເຕັກນິກການນຳໃຊ້ກົນຈັກກະສິກຳ ເຂົ້າໃນການຜະລິດ ແລະ ວິທະຍາການຫຼັງເກັບກ່ຽວ ເພື່ອຫຼຸດຜ່ອນຕົ້ນທຶນ, ຍົກສະມັດຖະພາບ, ຄຸນນະພາບຂອງຜົນຜະລິດ ຕາມທິດກະສິກຳສະອາດ, ປອດໄພ ແລະ ເປັນມິດຕໍ່ສິ່ງແວດລ້ອມ;
ເກັບກໍາ, ຂຶ້ນບັນຊີ ການນໍາໃຊ້ກົນຈັກກະສິກໍາ ເຂົ້າໃນການຜະລິດ, ການປຸງແຕ່ງ ໃນແຕ່ລະເຂດການຜະລິດ ເພື່ອມີຖານຂໍ້ມູນ ແລະ ເປັນບ່ອນອີງໃຫ້ແກ່ການຕີລາຄາສະພາບການຫັນເປັນກົນຈັກທີ່ທັນສະໄໝ ໃຫ້ສອດຄ່ອງກັບຄວາມເປັນຈິງ;

ສ້າງປຶ້ມຄູ່ມື, ຂໍ້ແນະນໍາ ກ່ຽວກັບການຄຸ້ມຄອງ-ນຳໃຊ້ກົນຈັກກະສິກຳ, ເຕັກນິກການປູກພືດ, ການລ້ຽງ ສັດ ແລະ ການປະມົງ ໃຫ້ເປັນລະບົບ ແລະ ເຜີຍແຜ່ອອກສູ່ວົງກວ້າງ;
ຝຶກອົບຮົມ, ເຮັດການສາທິດ, ທັດສະນະສຶກສາ ແລະ ໃຫ້ຄຳແນະນຳກ່ຽວກັບ ທັກສະກະສິກຳສະໄໝໃໝ່ເຕັກນິກກະເສດສຸມ, ກະສິກຳທີ່ດີ, ກະສິກຳອິນຊີ ແລະ ການຄຸ້ມຄອງນຳໃຊ້ກົນຈັກກະສິກຳ ໃຫ້ແກ່ພະ ນັກງານສົ່ງເສີມແຂວງ, ເມືອງ, ສູນພັດທະນາກະສິກຳ, ສະຖານີບໍລິການເຕັກນິກກະສິກຳ, ຊາວກະສິກອນ ແລະ ຜູ້ປະກອບການ ໃນຂອບເຂດທົ່ວປະເທດ;
ສ້າງກົນໄກປະສານສົມທົບລະຫວ່າງລັດ, ຜູ້ຜະລິດ ແລະ ຜູ້ປະກອບການ ເພື່ອເອື້ອອຳນວຍດ້ານວິຊາການ ແລະ ການສະໜອງ-ບໍລິການ ເຄື່ອງມື, ອຸປະກອນກົນຈັກກະສິກຳ ຢູ່ແຕ່ລະເຂດການຜະລິດຂອງແຕ່ລະທ້ອງຖິ່ນ;
ແນະນໍາ ແລະ ສາທິດ ເຕັກນິກການປູກ, ການລ້ຽງ ໂດຍນໍາໃຊ້ ເຕັກໂນໂລຊີ, ນະວັດຕະກໍາ ທີ່ສອດຄ່ອງກັບສະພາບດິນຟ້າອາກາດ, ພະລັງງານທາງເລືອກ, ເຮືອນຮົ່ມ, ການນໍາໃຊ້ນໍ້າປະຢັດ ແລະ ພື້ນທີ່ຜະລິດນ້ອຍໃຫ້ມີຜົນຕອບແທນດ້ານເສດຖະກິດສູງ;
ປະສານງານ, ຮ່ວມມືກັບອົງການຈັດຕັ້ງທີ່ກ່ຽວຂ້ອງ ທັງພາຍໃນ ແລະ ຕ່າງປະເທດ ເພື່ອຍາດແຍ່ງການຊ່ວຍເຫຼືອ ທາງດ້ານງົບປະມານ ແລະ ເຕັກນິກວິຊາການ ບົນພື້ນຖານການຕົກລົງເຫັນດີຂອງກົມ;
ປະຕິບັດໜ້າທີ່ອື່ນຕາມທີ່ໄດ້ກໍານົດໄວ້ໃນກົດໝາຍ, ລະບຽບການ ແລະ ຕາມການມອບໝາຍຂອງກົມ.