ກອງປະຊູມເຜີຍແຜ່ວຽກງານກຸ່ມອອມຊັບເຊມາອຶລກືມໂກ ຂອງສະຫະກອນສີນເຊື່ອຊຸມຊົນ ແຊມາອຶລກຶມໂກ ສປປ ລາວ ທີ່ ແຂວງບໍລິຄໍາໄຊ
ໃນຕອນເຊົ້າ ຂອງວັນທີ 21/11/2023,ໃນເວລາ 8:30 ໂມງ ກອງປະຊຸມໄດ້ຈັດຂຶ້ນຢູ່ທີ່ພະແນກກະສິກໍາ ແລະ ປ່າໄມ້ ແຂວງ ບໍລິຄໍາໄຊ, ໃຫ້ກຽດເປັນປະທານກ່າວເປີດກອງປະຊຸມ ໂດຍທ່ານ ສົມພອນ ແກ້ວຫາວົງ ຫົວໜ້າກົມສົ່ງເສິມກະສິກໍາ ແລະ ສະຫະກອນ ເປັນປະທານ, ພ້ອມດ້ວຍ ທ່ານ ພັດທະຈອນ ແກ້ວພຸດວົງ ຫົວໜ້າພະແນກກະສິກໍາ ແລະ ປ່າໄມ້ແຂວງ ບໍລິຄໍາໄຊ ກໍ່ໃຫ້ກຽດເປັນປະທາຮ່ວມໃນຄັ້ງນີ້. ກອງປະຊຸມໄດ້ ລາຍງານການສືກສາຄວາມເປັນໄປໄດ້ ໃນການທົດລອງຈັດຕັ້ງປະຕິບັດວຽກງານກຸ່ມອອມຊັບແຊມາອຶລກຶມໂກ ໃນ ສປປ ລາວ. ພ້ອມດ້ວຍ ນໍາສະເໜີຜ່ານຮ່າງບົດສະເໜີໂຄງການ ແລະ ຮ່າງບົດບັນທຶກຮ່ວມມືສອງຝາຍ ຂອງໂຄງການ. ມີຜູ້ເຂົ້າຮ່ວມທັງໝົດ 22 ທ່ານ, ເປັນຍິງ 1 ທ່ານ, ເຊີ່ງມາຈາກ ກົມສົ່ງເສີມກະສິກຳ ແລະ ສະຫະກອນ,ກົມແຜນການ ແລະ ການຮ່ວມມື, ພະແນກກະສິກຳ ແລະ ປ່າໄມ້ແຂວງ, ຫ້ອງການກະສິກໍາ ແລະ ປ່າໄມ້ເມືອງ, ຫ້ອງວາການປົກຄອງແຂວງ, ພະແນກການຕ່າງປະເທດແຂວງ, ສາມ ເມືອງເປົ້າຂອງໂຄງການ ຄຶ: ເມືອງ ບໍລີຄັນ, ເມືອງ ຄໍາເກີດ ແລະ ເມືອງ ວຽງທອງ.
ຈຸດປະສົງຂອງກອງປະຊຸມ:
- ເພື່ອ ລາຍງານ ການສືກສາ, ການທົດລອງຈັດຕັ້ງປະຕີບັດກຸ່ມອອມຊັບແຊມາອຶລກຶມໂກ ໄລຍະຜ່ານມາ;
- ເພື່ອ ນໍາສະເໜີ ກອບໂຄງການ ແລະ ແຜນກິດຈະກໍາ ຂອງໂຄງການ ແຊມາອຶລກຶມໂກ ໃນສ ປປລາວ;
- ເພື່ອ ຜ່ານເນື້ອໃນ ບົດສະເໜີໂຄງການ ກອບໂຄງການ ແລະ ກິດຈະກໍາຂອງໂຄງການ ແຊມາອຶລກຶມໂກ ໃນສປປ ລາວ;
- ເພື່ອ ຜ່ານຮ່າງ ບົດບັນທຶກຄວາມເຂົ້າໃຈ MOU;
- ເພື່ອ ເອກະພາບກັນ ໃນການຮັບຮອງ ເອົາແຜນກິດຈະກໍາ ຂອງໂຄງການ ແລະ ຮ່າງບົດບັນທຶກ ການຮ່ວມມືສອງຝາຍ. ເນື້ອໃນ 1. ຜູ້ເຂົ້າຮ່ວມກອງປະຊຸມໄດ້ຮັບຟັງການລາຍງານຫຍໍ້ ໃນການລີເລີ້ມທົດລອງຄົ້ນຄວ້າ ການປະຕິບັດງານຂອງກຸ່ມອອມຊັບແຊມາອຶລກືມ(Village Saving System Seamaul Geumgo) )ໂກ ໃນຮູບແບບສະຫະພັນສະຫະກອນສິນເຊື່ອຊຸມຊົນ ແຊມາອຶລກຶມໂກ ເກົາຫຼີ:( KFCC).2. ນໍາສະເໜີ ກອບໂຄງການ, ແບບແຜນ ແລະ ກີດຈະກໍາຂອງໂຄງການ ສ້າງກຸ່ມອອມຊັບ ແຊມາອຶລກຶມໂກ ໃນຮູບແບບຂອງ ສະຫະພັນ ສະຫະກອນ ສີນເຊື່ອຊຸມຊົນ ແຊມາອຶລກຶມໂກ ສເກົາຫຼີ: 3. ນໍາສະເໜີ ຮ່າງບົດບັນທຶກ ການຮ່ວມມືສອງຝາຍ ຂອງໂຄງການ; 4. ຜູ້ເຂົ້າຮ່ວມໄດ້ສົນທະນາ ປືກສາຫາລື ແບບແຜນດຳເນີນງານຂອງບັນດາກິດຈະກຳຂອງໂຄງການເພື່ອມີຄວາມເປັນເອກະພາບໃນຮູບແບບໃນການຈັດຕັ້ງປະຕິບັດແຜນຮ່ວມກັນ; 5. ປືກສາຫາລືຂະບວນການຂັ້ນຕອນການປະກອບເອກສານ ເພື່ອຮັບຮອງເອົາໂຄງການຂອງເມືອງເປົ້າໝາຍຂອງໂຄງການ; 6. ຄົ້ນຄວ້າ ພິຈາລະນາແນວທາງການຈັດຕັ້ງປະຕິບັດໂຄງການໄປໃນທິດທາງດຽວກັນເພື່ອຕອບສະໜອງຕາມຈຸດປະສົງຂອງໂຄງການທີ່ວາງໄວ.
- ກອງປະຊຸມໄດ້ຕົກລົງເອກະພາບ:
ທ່ານປະທານກອງປະຊຸມ ໄດ້ແນະນຳແຕ່ລະເມືອງທັງສາມເມືອງທີ່ເຂົ້າຮ່ວມກອງປະຊຸມພ້ອມກັນຄົ້ນຄວ້າປະກອບຄຳເຫັນໃສ່ບົດສະເໜີຂອງໂຄງການ ໃຫ້ສອດຄ່ອງກັບລະບຽບການຂອງການຮ່ວມມື ພົວພັນໂດຍສະ ເພາະເນັ້ນໃສ່ທ້ອງຖີ່ນກໍ່ຄືພື້ນທີ່ເປົ້າໝາຍ ຂອງໂຄງການຂັ້ນເມືອງ, ເຊີ່ງເປີດໂອກາດໃຫ້ບັນດາທ່ານເຈົ້າເມືອງ, ຮອງເຈົ້າເມືອງ ແລະ ຜູ້ເຂົ້າຮ່ວມໄດ້ມີຄຳຄິດເຫັນຕໍ່ການລາຍງານນຳສະເໜີຂອງວິຊາການໂຄງການດັ່ງກ່າວ.
ເຊິ່ງການປະກອບຄໍາຄິດເຫັນປະກອບມີສອງພາກສ່ວນດັ່ງນີ້:
- ທ່ານ ຄະນະການນໍາເມືອງ ກໍ່ຄືເຈົ້າເມືອງ ເມືອງ ຄໍາເກີດ, ເມືອງ ບໍລິຄັນ ແລະ ເມືອງ ວຽງທອງ, ໄດ້ປະກອບຄໍາຄິດເຫັນໃສ່ ບົດນໍາສະເໜີຂອງກອບໂຄງການ ໂດຍບົນພື້ນຖານ ເຫັນດີ ບໍ່ວ່າຈະເປັນດ້ານເນື້ອໃນ ແລະ ກິດຈະກໍາທີ່ສອດຄ່ອງກັບການພັດທະນາເສດຖະກິດສັງຄົມ ຂອງບ້ານ ເມືອງ ແລະ ແຂວງ, ພ້ອມດ້ວຍສະເໜີ ເພິ່ມບ້ານເປົ້າໝາຍຈາກ 2 ຫາ 5 ບ້ານ ເພື່ອເປັນຕົວເລກຊີ້ວັດ ແລະ ຄັດເລືອກເອົາຕົວແບບຕື່ມ. ກ່ອນຈະປະກອບຕໍ່ກັບຂັ້ນຕອນຍືນເອກະສານທີ່ຕ້ອງປະຕິບັດຕາມລະບຽບການ ແລະ ພ້ອມໃຫ້ການສະໜັບສະໜູນທຸກໆ ດ້ານໃນການປະກອບເອງກະສານຕ່າງໆ ທີ່ກ່ຽວຂ້ອງ ແລະ ຖືກຕ້ອງຕາມລະບຽບລັດ ລະບຽບຂອງແຕ່ລະກະຊວງທີ່ກ່ຽວຂ້ອງ;
- ຫ້ອງການກະສິກໍາ ແລະ ປ່າໄມ້ ເມືອງ ຄໍາເກີດ, ເມືອງ ບໍລິຄັນ ແລະ ເມືອງ ວຽງທອງ, ແມ່ນເຫັນດີ ເປັນເອກະພາບ ກັບຄໍາຄິດເຫັນຂອງເມືອງ ພ້ອມດ້ວຍ ເນັ້ນໃຫ້ມີກິດຈະກໍາ ທີ່ສອດຄ່ອງ ແລະ ຄ່ຽງຄູ່ໄປກັບກິດຈະກໍາ ຂອງ ການສົ່ງເສີມຜະລິດກະສິກໍາເປັນສິນຄ້າ, ການພັດທະນາໂຄງລາງພື້ນຖານ ແລະ ສົ່ງເສີມການມີອາຊິບວຽກເຮັດງານທໍາໃຫ້ແກ່ທ້ອງຖິ່ນ;
- ພະແນກການຕ່າງປະເທດຂັ້ນແຂວງ ທີ່ກ່ຽວຂ້ອງກັບການສະໜັບສະໜູນ ການປະກອບເອກະສານ ໃຫ້ຖືກຕາມຂັ້ນຕອນ ຕາມເລກທີ 013/ນຍ,ລົງວັນທີ 08/01/2010, ພ້ອມດ້ວຍແນະນໍາໃຫ້ຈັດຕັ້ງຕາມຂະບວນ ການປະສານງານທັ້ງສາຍຕັ້ງ ແລະ ສາຍຂວາງ ເພື່ອໃຫ້ສອດຄ່ອງກັບແຜນວຽກອັນຮິບດ່ວນ ຂອງໂຄງການ;
ກອ່ນການປິດກອງປະຊຸມ ທ່ານ ສົມພອນແກ້ວກາວົງ ຫົວໜ້າກົມສົ່ງເສີມກະສິກໍາ ແລະ ສະຫະກອນ,ໃນນາມປະທານກອງປະຊຸມ ໄດ້ໃຫ້ທິດ ແລະ ສະເໜີ ໃຫ້ແຕ່ລະພາກສ່ວນ ເຂດເປົ້າໝາຍຂອງໂຄງການ ຊ່ວຍເອື້ອອໍານວຍ ແລະ ນໍາພາໃນການປະກອບເອກະສານເພຶ່ອຂໍຮັບຮອງເອົາໂຄງການ, ໂດຍສະເພາະແມ່ນພະແນກການຕ່າງປະເທດແຂວງຊ່ວຍດຳເນີນເອກະສານໃຫ້ຖືກຕາມຂັ້ນຕອນ ແລະ ວອງໄວ, ເພື່ອການສະເໜີໃຫ້ກະຊວງທີ່ກ່ຽວຂ້ອງໄດ້ມີບ່ອນອິງ ແລະ ດຳເນີນການໃນຂັ້ນຕອນຕໍ່ໄປ ເພື່ອເຊັນ ບົດບັນທືກຄວາມເຂົ້າໃຈ (MOU) ຕາມການກໍານົດໃນເວລາດ້ວຍ. ກອງປະຊູມໄດ້ດຳເນີນເປັນເວລາ 1 ວັນ ແລະ ໄດ້ປິດລົງຢ່າງເປັນມທາງການ ໃນເວລາ 5 ໂມງ 00 ນາທີ ຂອງວັນທີ 21 ພະຈິກ 2023.
ຂຽນໂດຍ: ນ. ຄໍາຫຼ້າ ໄຊຍະແພງ
ກວດແກ້ໂດຍ: ພະແນກຂໍ້ມູນຂ່າວສານການສົ່ງເສີມ ແລະ ເຊື່ອມໂຍງຕະຫຼາດ
Leave a Reply