ບົດບາດໜ້າທີ່ຂອງກົມສົ່ງເສີມກະສິກໍາ ແລະ ສະຫະກອນ

ທີ່ຕັ້ງ ແລະ ພາລະບົດບາດ

ກົມສົ່ງເສີມກະສິກຳ ແລະ ສະຫະກອນ ຂຽນເປັນຕົວອັກສອນຫຍໍ້ວ່າ “ກສກສ” ແມ່ນກົງຈັກການຈັດຕັ້ງໜຶ່ງ ຂອງກະຊວງກະສິກຳ ແລະ ສິ່ງແວດລ້ອມ, ມີພາລະບົດບາດເປັນເສນາທິການໃຫ້ແກ່ກະຊວງກະສິກຳ ແລະ ສິ່ງແວດລ້ອມ ໃນການຄຸ້ມຄອງມະຫາພາກ ເປັນໃຈກາງໃນການສົ່ງເສີມການຜະລິດ, ການປຸງແຕ່ງ ແລະ ຈັດຕັ້ງກໍາລັງການຜະລິດ; ຖ່າຍທອດເຕັກນິກ, ເຕັກໂນໂລຊີ, ນະວັດຕະກຳ, ທັກສະກະສິກຳສະໄໝໃໝ່; ເຜີຍ ແຜ່ຂໍ້ມູນຂ່າວສານ ກ່ຽວກັບການປູກ, ການລ້ຽງ, ການນຳໃຊ້ກົນຈັກ, ການປຸງແຕ່ງ ແລະ ການຕະຫຼາດ; ພັດ ທະນາສູນ, ສະຖານີບໍລິການເຕັກນິກກະສິກຳ ໃຫ້ຮັບປະກັນການເຄື່ອນໄຫວ, ປະຕິບັດໜ້າທີ່ ສົ່ງເສີມບໍລິການເຕັກນິກ ເພື່ອຍົກສະມັດຖະພາບການຜະລິດກະສິກຳໃຫ້ສູງຂຶ້ນ, ຮັບປະກັນດ້ານປະລິມານ ແລະ ຄຸນນະພາບ ຕາມທິດຫັນເປັນອຸດສາຫະກຳ, ສີຂຽວ, ຍືນຍົງ ແລະ ສາມາດເຊື່ອມໂຍງຕະຫຼາດກັບພາກພື້ນ ແລະ ສາກົນ.

ໜ້າທີ່

ປະຕິບັດກົດໝາຍ, ດໍາລັດ, ນິຕິກໍາອື່ນ ຂອງຂັ້ນເທິງ ແລະ ນິຕິກໍາຕ່າງໆ ຂອງກະຊວງກະສິກໍາ ແລະ ສິ່ງແວດລ້ເອມ;
ຄົ້ນຄວ້າ, ເຊື່ອມຊຶມ ແລະ ຜັນຂະຫຍາຍແນວທາງນະໂຍບາຍຂອງພັກ, ລັດຖະບານ ແລະ ຂອງຂະແໜງ ກະສິກຳ ແລະ ສິ່ງແວດລ້ອມ ມາເປັນແຜນຍຸດທະສາດ, ແຜນງານ, ແຜນການ ແລະ ໂຄງການ ຂອງຕົນ ເພື່ອນຳສະເໜີລັດຖະມົນຕີກະຊວງກະສິກຳ ແລະ ສິ່ງແວດລ້ອມ ພິຈາລະນາ ພ້ອມທັງຈັດຕັ້ງປະຕິບັດ ແລະ ຄຸ້ມຄອງ ໃຫ້ໄດ້ຮັບຜົນດີ;
ຄົ້ນຄວ້າ, ສ້າງ ແລະ ປັບປຸງນິຕິກຳ ກ່ຽວກັບວຽກງານສົ່ງເສີມກະສິກຳ ແລະ ສະຫະກອນ ເພື່ອນໍາສະເໜີລັດຖະມົນຕີກະຊວງກະສິກຳ ແລະ ສິ່ງແວດລ້ອມ ພິຈາລະນາ ພ້ອມທັງເຜີຍແຜ່ໃຫ້ຂະແໜງການ ແລະ ພາກສ່ວນທີ່ກ່ຽວຂ້ອງຢ່າງທົ່ວເຖິງ;
ຊຸກຍູ້ການຈັດຕັ້ງກຸ່ມການຜະລິດ, ສະຫະກອນ, ກອງທຶນ ແລະ ຫົວໜ່ວຍທຸລະກິດກະສິກໍາ; ເກັບກໍາຂຶ້ນບັນຊີ, ຂຶ້ນທະບຽນກຸ່ມການຜະລິດ, ສະຫະກອນ, ກອງທຶນ ແລະ ຫົວໜ່ວຍທຸລະກິດ ພ້ອມທັງສ້າງຄວາມເຂັ້ມແຂງ, ຊຸກຍູ້ຕິດຕາມ ແລະ ກວດກາການເຄື່ອນໄຫວ ໃຫ້ມີປະສິດທິຜົນ;
ສົ່ງເສີມການຜະລິດແນວພັນເຂົ້າລຸ້ນສາມ, ແນວພັນພືດ, ແນວພັນສັດ ແລະ ແນວພັນສັດນໍ້າທີ່ດີ ຢູ່ບັນດາສູນ ທີ່ຂຶ້ນກັບກົມ ພ້ອມທັງສົ່ງເສີມ ແລະ ຂະຫຍາຍເຄືອຂ່າຍຜະລິດແນວພັນດັ່ງກ່າວ ຂອງກຸ່ມ, ຄອບຄົວຜູ້ປະກອບການ ເພື່ອຕອບສະໜອງແນວພັນໃຫ້ແກ່ການຜະລິດສິນຄ້າຮັບໃຊ້ພາຍໃນ, ທົດແທນການນໍາເຂົ້າ ແລະ ຜະລິດສິນຄ້າ ເພື່ອສົ່ງອອກຕ່າງປະເທດ ດ້ວຍການສ້າງກົນໄກຮ່ວມມືສໍາພັນເສດຖະກິດ ລະ ຫວ່າງ ພາກລັດ, ເອກະຊົນ, ກຸ່ມ ແລະ ສະຫະກອນ ໃຫ້ກວ້າງຂວາງ ແລະ ມີຄຸນນະພາບ;
ບໍລິການ ແລະ ຖ່າຍທອດ ເຕັກນິກ, ເຕັກໂນໂລຊີ, ນະວັດຕະກໍາ, ອຸປະກອນ, ກົນຈັກ ແລະ ທັກສະກະສິກຳສະໄໝໃໝ່ ເຂົ້າໃນການປູກ, ການລ້ຽງ, ການປຸງແຕ່ງ ແລະ ການຕະຫຼາດ ເພື່ອຍົກສະມັດຖະ ພາບ, ຄຸນນະພາບຂອງຜົນຜະລິດ ແລະ ມີໂພຊະນາການ ຕາມສີຂຽວ, ຍືນຍົງ, ກະສິກໍາສະອາດ, ປອດໄພ ແລະ ເປັນມິດຕໍ່ສິ່ງແວດລ້ອມ;
ຄຸ້ມຄອງ, ຊຸກຍູ້, ສົ່ງເສີມ ແລະ ພັດທະນາ ໂຮງງານປຸງແຕ່ງຜົນຜະລິດກະສິກໍາຂະໜາດນ້ອຍ ລະດັບຄອບ ຄົວ, ກຸ່ມ, ສະຫະກອນ ພ້ອມທັງສົ່ງເສີມເຕັກນິກທາງດ້ານການປຸງແຕ່ງ ເຊັ່ນ: ການອົບ, ຕາກ, ຄັດແຍກ, ຈັດເກຣດ, ຫຸ້ມຫໍ່ ແລະ ປຸງຣົດຊາດ ຜົນຜະລິດກະສິກຳ ໃຫ້ໄດ້ຕາມມາດຕະຖານ ແລະ ຄວາມຕ້ອງການຂອງຕະຫຼາດ ທັງພາຍໃນ ແລະ ສາກົນ ພ້ອມທັງສ້າງເງື່ອນເອື້ອອຳນວຍການສ້າງຍີ່ຫໍ້ກາໝາຍສິນຄ້າກະສິ ກຳ;
ສ້າງກົນໄກຄຸ້ມຄອງ ແລະ ນຳໃຊ້ກອງທຶນຂອງກຸ່ມ, ສະຫະກອນ ແລະ ບັນດາຫົວໜ່ວຍເສດຖະກິດຮ່ວມມື ຂອງປະຊາຊົນ ໃຫ້ມີຄວາມເຂັ້ມແຂງ ແລະ ຢືນຍົງ ດ້ວຍການກໍານົດ ຮູບແບບ, ຫຼັກການ ແລະ ນິຕິ ກຳຕ່າງໆ ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດ ແລະ ການຕິດຕາມກວດກາ; ເກັບກໍາຂຶ້ນບັນຊີ, ຂຶ້ນທະບຽນກຸ່ມການຜະລິດ ແລະ ສະຫະກອນ ພ້ອມທັງຊຸກຍູ້ຕິດຕາມ ແລະ ກວດກາການເຄື່ອນໄຫວຂອງກຸ່ມການຜະລິດ ແລະ ສະຫະກອນ ໃຫ້ມີປະສິດທິຜົນ;
ສ້າງ, ສົ່ງເສີມ, ຄຸ້ມຄອງ, ຕິດຕາມ, ກວດກາ ວຽກງານການຜະລິດກະສິກຳເປັນສິນຄ້າແບບມີສັນຍາຜູກພັນ ແລະ ພັດທະນາຖານຂໍ້ມູນສະຖິຕິ ແລະ ຂ່າວສານການສົ່ງເສີມ ລວມທັງບົດຮຽນຕົວແບບທີ່ດີ, ຜົນ ສຳເລັດຈາກການຄົ້ນຄວ້າທົດລອງ ໃນຮູບແບບທີ່ທັນສະໄໝ ຕາມທິດຫັນເປັນດີຈີຕອນ ເພື່ອໂຄສະນາເຜີຍແຜ່ ແລະ ບໍລິການເຕັກນິກການຜະລິດກະສິກຳ, ການປຸງແຕ່ງ, ການເຂົ້າເຖິງແຫຼ່ງທຶນ, ປັດໄຈການຜະລິດ ແລະ ການເຊື່ອມໂຍງການຕະຫຼາດ ອອກສູ່ສັງຄົມຢ່າງກວ້າງຂວາງ;
ສ້າງຖານຂໍ້ມູນຂ່າວສານການສົ່ງເສີມໃນຮູບແບບ ເອກະສານ ແລະ ດີຈີຕອນ ເພື່ອໂຄສະນາເຜີຍແຜ່ ແລະ ບໍລິການເຕັກນິກການຜະລິດກະສິກຳ, ການປຸງແຕ່ງ, ການເຂົ້າເຖິງ ແຫຼ່ງທຶນ, ປັດໄຈການຜະລິດ ແລະ ການຕະຫຼາດ ພ້ອມທັງປະສານສົມທົບກັບພາກສ່ວນກ່ຽວຂ້ອງ ຈັດງານວາງສະແດງສິນຄ້າກະສິກໍາ ໃຫ້ກວ້າງຂວາງ;
ສ້າງຄວາມເຂັ້ມແຂງ ໃຫ້ນັກສົ່ງເສີມ ຂັ້ນສູນກາງ, ແຂວງ, ເມືອງ, ສູນ ແລະ ສະຖານີ ໃຫ້ມີຄວາມສາ ມາດໃນການຖ່າຍທອດຄວາມຮູ້, ການບໍລິການເຕັກນິກດ້ານເຕັກນິກການຜະລິດ, ການປຸງແຕ່ງກະສິກໍາ, ໂພຊະນາການ ແລະ ການຕະຫຼາດ ດ້ວຍການຝຶກອົບຮົມ, ສາທິດ, ທັດສະນະສຶກສາແລກປ່ຽນບົດຮຽນ ຢູ່ພາຍໃນ ແລະ ຕ່າງປະເທດ;
ສ້າງ, ປັບປຸງ, ສົ່ງເສີມ, ພັດທະນາ ສູນ ທີ່ຂຶ້ນກັບໂຄງປະກອບການຈັດຕັ້ງຂອງກົມ ໃຫ້ຮັບປະກັນການ ເຄື່ອນໄຫວ ຕາມບົດບາດໜ້າທີ່ດ້ວຍການສະໜອງເຕັກນິກ, ນະວັດຕະກຳ, ການປະກອບທຶນ, ຫັນກິດຈະກໍາ ຂອງບັນດາໂຄງການ, ວິຊາການທີ່ມີຄວາມຮູ້ຄວາມສາມາດ, ວັດຖຸ-ເຕັກນິກ, ເຕັກໂນໂລຊີ ແລະ ທັກສະກະສິກໍາສະໄໝໃໝ່ ເພື່ອສ້າງສູນໃຫ້ເປັນບ່ອນໂຄສະນາ, ເຜີຍແຜ່, ຝຶກອົບຮົມ, ສາທິດ, ທົດລອງ, ບໍລິການເຕັກນິກ ແລະ ບ່ອນຮຽນຮູ້ ໃຫ້ແກ່ກຸມ, ສະຫະກອນ, ຊາວກະສິກອນ, ຜູ້ປະກອບການ, ນັກສຶກສາ ແລະ ສັງຄົມ;
ຊຸກຍູ້ ບັນດາພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ ແລະ ແຂວງ, ບັນດາຫ້ອງການກະສິ ກໍາ ແລະ ປ່າໄມ້ ນະຄອນ, ເມືອງ; ສ້າງ ແລະ ພັດທະນາ ສູນບໍລິການເຕັກນິກກະສິກໍາຂັ້ນແຂວງ, ສະຖານີ ບໍລິການເຕັກນິກກະສິກໍາ ຂັ້ນເມືອງ ດ້ວຍການປະກອບບຸກຄະລາກອນທີ່ມີຄວາມຮູ້ຄວາມສາມາດ, ງົບ ປະມານ ແລະ ຫັນກິດຈະກໍາຂອງບັນດາໂຄງການ, ວັດຖຸ-ອຸປະກອນ ດ້ານເຕັກນິກ, ເຕັກໂນໂລຊີ, ນະວັດ ຕະກໍາ ແລະ ທັກສະກະສິກໍາສະໄໝໃໝ່ ເພື່ອເປັນບ່ອນບໍລິການເຕັກນິກ, ສາທິດ ແລະ ຮຽນຮູ້ ໃຫ້ແກ່ຊາວກະສິກອນ, ຜູ້ປະກອບການ, ນັກສຶກສາ ແລະ ສັງຄົມ;
ສົມທົບ, ພົວພັນ, ຮ່ວມມື ແລະ ປະສານງານ ກັບ ຄູ່ຮ່ວມພັດທະນາຕ່າງໆ, ບັນດາປະເທດເພື່ອນມິດ ແລະ ອົງການຈັດຕັ້ງອື່ນ ເພື່ອແລກປ່ຽນບົດຮຽນ, ຍາດແຍ່ງການຊ່ວຍເຫລືອດ້ານເຕັກນິກ, ດ້ານງົບປະມານ, ດ້ານການສ້າງຄວມເຂັ້ມແຂງ ແລະ ດ້ານຕ່າງໆ ເພື່ອພັດທະນາວຽກງານສົ່ງເສີມກະສິກໍາ ແລະ ສະ ຫະກອນ ໃຫ້ມີຄວາມເຂັ້ມແຂງ, ພ້ອມທັງຈັ້ງຕັ້ງປະຕິບັດໂຄງການ, ຊຸກຍູ້ຕິດຕາມ ແລະ ກວດກາ ການ ຈັດຕັ້ງປະຕິບັດໂຄງການໃຫ້ສອດຄ່ອງ ແລະ ຖຶກຕ້ອງຕາມກົດໝາຍ ແລະ ລະບຽບການທີ່ກຳນົດໄວ້;
ຄົ້ນຄວ້າ, ນຳສະເໜີ ແລະ ປັບປຸງກົງຈັກການຈັດຕັ້ງ ພ້ອມທັງກຳນົດຕຳແໜ່ງງານໃຫ້ຄົບຖ້ວນ, ຄຸ້ມຄອງພະນັກງານ-ລັດຖະກອນ ແລະ ສ້າງແຜນການບໍາລຸງກໍ່ສ້າງພະນັກງານ-ລັດຖະກອນຂອງຕົນ ບົນພື້ນຖານຄວາມສະເໝີພາບບົດບາດຍິງ-ຊາຍ ໂດຍປະຕິບັດນະໂຍບາຍ, ກົດໝາຍ ແລະ ລະບຽບການທີ່ໄດ້ກຳນົດໄວ້; ປັບປຸງແບບແຜນວິທີເຮັດວຽກ, ກົນໄກການຄຸ້ມຄອງບໍລິຫານຂອງກົມໃຫ້ມີປະສິດທິພາບ;ຄຸ້ມຄອງ ແລະ ນໍາໃຊ້ ຊັບສິນຂອງລັດ ທີ່ຢູ່ໃນຄວາມຮັບຜິດຊອບຂອງຕົນ ໃຫ້ມີປະສິດທິຜົນສູງ;
ຄຸ້ມຄອງ ເອກະສານຂາເຂົ້າ-ຂາອອກ, ພາຫະນະ ວັດຖຸສິ່ງຂອງ, ແລະ ວຽກງານພິທີການ; ຄຸ້ມຄອງ ແລະ ສະຫຼຸບການນຳໃຊ້ ງົບປະມານ; ປັບປຸງແບບແຜນວິທີເຮັດວຽກ, ກົນໄກການຄຸ້ມຄອງບໍລິຫານ ຂອງກົມ ໃຫ້ມີປະສິດທິພາບ;
ສັງລວມ, ສະຫຼຸບ ແລະ ລາຍງານ ການເຄື່ອນໄຫວວຽກງານ ປະຈໍາເດືອນ, 3 ເດືອນ, 6 ເດືອນ, 9 ເດືອນ ປະຈໍາປີ, ກາງສະໄໝ ແລະ 5 ປີ ຂອງກົມ ໃຫ້ຂັ້ນເທິງ ແລະ ພາກສ່ວນກ່ຽວຂ້ອງ ເປັນປົກກະຕິ ແລະ ທັນເວລາ;
ປະຕິບັດໜ້າທີ່ອື່ນ ຕາມທີ່ກໍານົດໄວ້ໃນນິຕິກໍາອື່ນ ແລະ ການມອບໝາຍຂອງລັດຖະມົນຕີ, ຮອງລັດຖະ ມົນຕີ ຜູ້ຊີ້ນໍາ.

ຂອບເຂດສິດ

ນໍາສະເໜີຮ່າງຍຸດທະສາດ, ແຜນງານ, ແຜນການ, ໂຄງການຈັດຕັ້ງປະຕິບັດວາລະແຫ່ງຊາດຂອງກົມ ແລະ ຂະແໜງການ; ຄົ້ນຄວ້າກໍານົດຮູບແບບ, ມາດຕະຖານ, ຫຼັກການ ແລະ ວິທີສ້າງຕັ້ງກຸ່ມ ແລະ ສະຫະ ກອນ ຕໍ່ກະຊວງກະສິກຳ ແລະ ສິ່ງແວດລ້ອມ ພິຈາລະນາ;
ອອກຂໍ້ຕົກລົງ, ອອກແຈ້ງການ, ຄໍາແນະນໍາ, ຄູ່ມືວິຊາການ, ໜັງສືສະເໜີເຖິງຫ້ອງການ, ບັນດາກົມ, ສະຖາບັນ ແລະ ຫົວໜ່ວຍວິຊາການຂັ້ນສອງອ້ອມຂ້າງກະຊວງ ແລະ ຂະແໜງການຢູ່ທ້ອງຖິ່ນ ເພື່ອຈັດຕັ້ງປະຕິບັດວຽກງານສົ່ງເສີມກະສິກຳ ແລະ ສະຫະກອນ ຂອງຂະແໜງກະສິກໍາ ແລະ ສິ່ງແວດລ້ອມ ໃຫ້ໄດ້ຮັບຜົນສຳ ເລັດຕາມຄາດໝາຍທີ່ວາງໄວ້ ພ້ອມທັງກວດກາຕິດຕາມ ຊຸກຍູ້ການຈັດຕັ້ງປະຕິບັດໃຫ້ໄດ້ຮັບຜົນດີ;
ຊີ້ນຳ, ຄຸ້ມຄອງຕາມສາຍຕັ້ງທາງດ້ານ ເຕັກນິກ, ວິຊາການໂດຍມີການແບ່ງຂັ້ນ, ແບ່ງຄວາມຮັບຜິດຊອບ ແລະ ແບ່ງສິດໃນການຕົກລົງບັນຫາ ຢ່າງລະອຽດຈະແຈ້ງ;
ຄົ້ນຄວ້າ ແລະ ນຳສະເໜີ ການປັບປຸງກົງຈັກການຈັດຕັ້ງ, ກຳນົດຕຳແໜ່ງງານ, ບັນຈຸ-ສັບຊ້ອນ, ແຕ່ງຕັ້ງ ແລະ ປະຕິບັດນະໂຍບາຍຕໍ່ບຸກຄະລາກອນ ຕາມການແບ່ງຂັ້ນຄຸ້ມຄອງ ແລະ ທິດກະທັດຮັດ, ເຂັ້ມແຂງ ແລະ ມີປະສິດທິພາບ ທີ່ກົດໝາຍ ແລະ ລະບຽບການກໍານົດໄວ້;
ຮຽກໂຮມພະນັກງານນໍາພາ-ຄຸ້ມຄອງ ແລະ ລັດຖະກອນວິຊາການໃນຄວາມຮັບຜິດຊອບຂອງຕົນ; ເຂົ້າຮ່ວມກອງປະຊຸມ ຫຼື ລາຍງານສ່ອງແສງວຽກງານເປັນແຕ່ລະໄລຍະ; ຈັດ ຫຼື ເຂົ້າຮ່ວມງານວາງສະແດງສິນ ຄ້າກະສິກໍາ ແລະ ຕະຫຼາດນັດ, ຝຶກອົບຮົມ, ສໍາມະນາດ້ານວິຊາການ ແລະ ລົງເຮັດວຽກຢູ່ທ້ອງຖິ່ນຕາມຄວາມຮຽກຮ້ອງຕ້ອງການ ຂອງໜ້າທີ່ວຽກງານທີ່ໄດ້ກໍານົດໃນລະບຽບການກ່ຽວຂ້ອງ;
ຄົ້ນຄວ້າ ແລະ ປະກອບຄໍາເຫັນ ກ່ຽວກັບການລົງທຶນພາຍໃນ ແລະ ຕ່າງປະເທດ ໃນດ້ານກະສິກໍາ ແລະ ສິ່ງແວດລ້ອມ ບົນພື້ນຖານກົດໝາຍ ແລະ ລະບຽບການ;
ຄຸ້ມຄອງ ແລະ ນໍາໃຊ້ງົບປະມານ, ຊັບສິນຂອງລັດ, ການຈັດຕັ້ງປະຕິບັດພາລະບົດບາດ ແລະ ໜ້າທີ່ຄວາມຮັບຜິດຊອບຂອງຕົນຕາມກົດໝາຍ ແລະ ລະບຽບການກຳນົດໄວ້;
ພົວພັນ, ຮ່ວມມື ແລະ ເຊັນສັນຍາກັບອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດຕາມການຕົກ ລົງ ແລະ ມອບໝາຍຂອງລັດຖະມົນຕີ;
ປະຕິບັດສິດອື່ນ ຕາມທີ່ໄດ້ກຳນົດໄວ້ໃນກົດໝາຍ, ລະບຽບການ ແລະ ຕາມການມອບໝາຍຂອງລັດ ຖະມົນຕີ.

ໂຄງປະກອບກົງຈັກ

ພະແນກສັງລວມ;
ພະແນກສົ່ງເສີມ ກຸ່ມ ແລະ ສະຫະກອນ;
ພະແນກຕິດຕາມ, ປະເມີນ ສະຫະກອນ ແລະ ກອງທຶນ;
ພະແນກສົ່ງເສີມກະສິກຳແບບມີສັນຍາ ແລະ ເຊື່ອມໂຍງຕະຫຼາດ;
ພະແນກສົ່ງເສີມເຕັກນິກການຜະລິດ ແລະ ກົນຈັກກະສິກຳ;
ພະແນກສົ່ງເສີມການຜະລິດ ແລະ ນໍາໃຊ້ແນວພັນ;
ພະແນກສົ່ງເສີມການປຸງແຕ່ງ ແລະ ໂພຊະນາການ;
ສູນພັດທະນາກະສິກຳ;
ສູນສາທິດເຕັກນິກກະສິກຳ.

ດາວໂຫລດຟາຍ