ພະແນກສົ່ງເສີມການປຸງແຕ່ງ ແລະ ໂພຊະນາການ

ພະແນກສົ່ງເສີມການປຸງແຕ່ງ ແລະ ໂພຊະນາການ ມີໜ້າທີ່ ດັ່ງນີ້:

ຜັນຂະຫຍາຍແຜນຍຸດທະສາດການພັດທະນາວຽກງານຂອງກົມ ມາເປັນແຜນການ ແລະ ໂຄງການລະ ອຽດ ເພື່ອຈັດຕັ້ງປະຕິບັດ ຕາມບົດບາດໜ້າທີ່ຂອງຕົນໃຫ້ປະກົດຜົນເປັນຈິງ;
ກໍານົດບັນຊີປະເພດ ພືດ, ສັດ ແລະ ວິທີການປຸງແຕ່ງ ສ້າງມູນຄ່າເພີ່ມໃຫ້ແກ່ຜົນຜະລິດ ເພື່ອສະໜອງເປັນວັດຖຸດິບໃຫ້ແກ່ໂຮງງານ ແລະ ແປຮູບເປັນຜະລິດຕະພັນອາຫານ-ມີໂພຊະນາການ ເປັນບ່ອນອີງໃນການເຜີຍແຜ່ໃຫ້ແກ່ກຸ່ມຊາວກະສິກອນ ແລະ ຜູ້ປຸງແຕ່ງ ຢ່າງກວ້າງຂວາງ;
ສ້າງຄູ່ມື, ລະບຽບການ ກ່ຽວຂ້ອງກັບການປຸງແຕ່ງ ພ້ອມທັງເຜີຍແຜ່ ແລະ ຕິດຕາມກວດກາການຈັດຕັ້ງປະຕິບັດຂອງ ຫົວໜ່ວຍປຸງແຕ່ງ, ຜູ້ປະກອບການ, ກຸ່ມ, ສະຫະກອນ;
ຝຶກອົບຮົມເຕັກນິກ, ເຕັກໂນໂລຊີ ແລະ ນະວັດຕະກໍາ ກ່ຽວກັບການປຸງແຕ່ງຜົນຜະລິດກະສິກຳຂັ້ນຕົ້ນ ແລະ ການຜະລິດກະສິກຳທີ່ມີໂພຊະນາການຕາມຫຼັກການກະສິກໍາສະອາດ ໃຫ້ແກ່ພະນັກງານສົ່ງເສີມບັນ ດາສູນ, ສະຖານີບໍລິການເຕັກນິກກະສິກໍາ ເພື່ອນໍາໄປເຜີຍແຜ່ຖ່າຍທອດອອກສູ່ວົງກວ້າງ ໃນແຕ່ລະເຂດການຜະລິດ;
ເກັບກໍາ, ສັງລວມບັນຊີ, ຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດບົດບາດ, ໜ້າທີ່ ຂອງຫົວ ໜ່ວຍຜູ້ປະກອບການປຸງແຕ່ງຂັ້ນຕົ້ນ, ຜະລິດຕະພັນທີ່ເປັນເອກະລັກຂອງທ້ອງຖິ່ນ ແລະ ຜົນສໍາເລັດໃນການດໍາເນີນທຸລະກິດ ເພື່ອສັງລວມເປັນຖານຂໍ້ມູນ ແລະ ເປັນບ່ອນອີງສະເໜີປະຕິບັດນະໂຍບາຍ-ຍ້ອງຍໍ, ໃຫ້ກຽດຕິຄຸນ ຕໍ່ຫົວໜ່ວຍປຸງແຕ່ງທີີ່ດີເດັ່ນ;
ຄຸ້ມຄອງ, ຊຸກຍູ້, ສົ່ງເສີມ ແລະ ພັດທະນາ ໂຮງງານປຸງແຕ່ງຜົນຜະລິດກະສິກໍາຂະໜາດນ້ອຍລະດັບຄອບຄົວ, ກຸ່ມ, ສະຫະກອນ ພ້ອມທັງສົ່ງເສີມເຕັກນິກການ ອົບ, ຕາກ, ຄັດແຍກ, ຈັດເກຣດ, ຫຸ້ມຫໍ່ ແລະ ແປຮູບ-ປຸງລົດ ຜົນຜະລິດກະສິກຳ ເພື່ອສ້າງມູນຄ່າເພີ່ມ ໄດ້ມາດຕະຖານ ແລະ ຄວາມຕ້ອງການຂອງຕະຫຼາດ, ມີໂພຊະນາການ, ສະອາດ ແລະ ປອດໄພ ພ້ອມທັງສ້າງເງື່ອນໄຂເອື້ອອຳນວຍການສ້າງຍີ່ຫໍ້ກາໝາຍສິນຄ້າກະສິກຳ;
ສົ່ງເສີມລະບົບຕ່ອງໂສ່ອາຫານ ແລະ ມູນຄ່າອາຫານທີ່ຫຼາກຫຼາຍ, ສະອາດ, ປອດໄພ; ຊຸກຍູ້-ສົ່ງເສີມ ການລົງທຶນການຜະລິດກະສິກໍາສະອາດ ແລະ ການປຸງແຕ່ງສ້າງມູນຄ່າເພີ່ມ, ມີໂພຊະນາການ ຈາກບັນດາໂຄງການ, ຜູ້ປະກອບການທຸລະກິດ ທັງພາຍໃນ ແລະ ຕ່າງປະເທດ ໃຫ້ກວ້າງຂວາງ;
ສະໜອງ ແລະ ກະຈາຍຂໍ້ມູນຂ່າວສານ ກ່ຽວກັບວຽກງານສົ່ງເສີມການປຸງແຕ່ງ, ວຽກງານກະສິກຳເພື່ອໂພຊະນາການ, ການເຂົ້າເຖິງສິນເຊື່ອ ແລະ ປັດໄຈການຜະລິດ ໃຫ້ແກ່ຜູ້ຜະລິດ ແລະ ຜູ້ປຸງແຕ່ງດ້ວຍຫຼາຍຊ່ອງທາງ;
ປະສານງານ, ຮ່ວມມື ກັບອົງການຈັດຕັ້ງທີ່ກ່ຽວຂ້ອງ ທັງພາຍໃນ ແລະ ຕ່າງປະເທດ ເພື່ອຍາດແຍ່ງການຊ່ວຍເຫຼືອ ທາງດ້ານງົບປະມານ ແລະ ເຕັກນິກວິຊາການ;
ຄົ້ນຄວ້າ, ເກັບກຳຂໍ້ມູນ, ສັງລວມ, ສະຫຼຸບລາຍງານວຽກງານສົ່ງເສີມການປຸງແຕ່ງ ແລະ ໂພຊະນາການປະຈຳເດືອນ, 3 ເດືອນ, 6 ເດືອນ, 9 ເດືອນ, ປະຈຳປີ, ກາງສະໄໝ ແລະ 5 ປີ ໃຫ້ຖືກຕ້ອງ, ຄົບຖ້ວນ, ເປັນປົກກະຕິ ແລະ ທັນເວລາ;

ປະຕິບັດໜ້າທີ່ອື່ນ ຕາມກົດໝາຍ, ລະບຽບການ ແລະ ການມອບໝາຍ ຂອງຂັ້ນເທິງ.