ພະແນກສົ່ງເສີມກະສິກຳແບບມີສັນຍາ ແລະ ເຊື່ອມໂຍງຕະຫຼາດ

ພະແນກສົ່ງເສີມກະສິກໍາແບບມີສັນຍາ ແລະ ເຊື່ອມໂຍງຕະຫຼາດ ມີໜ້າທີ່ ດັ່ງນີ້:

1. ຜັນຂະຫຍາຍແຜນຍຸດທະສາດການພັດທະນາວຽກງານຂອງກົມ ມາເປັນແຜນການ ແລະ ໂຄງການລະ ອຽດ ເພື່ອຈັດຕັ້ງປະຕິບັດ ຕາມບົດບາດໜ້າທີ່ຂອງຕົນໃຫ້ປະກົດຜົນເປັນຈິງ;
2. ຄົ້ນຄວ້າສ້າງນະໂຍບາຍ, ແຜນພັດທະນາ ແລະ ນິຕິກໍາກ່ຽວກັບການສົ່ງເສີມການຜະລິດກະສິກໍາແບບມີສັນຍາ ແລະ ການເຊື່ອມໂຍງຕະຫຼາດ;
3. ໂຄສະນາເຜີຍແຜ່ ນະໂຍບາຍ, ແຜນພັດທະນາ ແລະ ນິຕິກໍາ ກ່ຽວກັບກະສິກໍາແບບມີສັນຍາ ແລະ ການເເຊື່ອມໂຍງຕະຫຼາດ;
4. ສົ່ງເສີມການຜະລິດກະສິກຳເປັນສິນຄ້າແບບມີສັນຍາ ດ້ວຍການຝຶກອົບຮົມ, ໃຫ້ຄໍາປຶກສາ ແລະ ເອື້ອອໍານວຍຂະບວນການໃນການສ້າງ ແລະ ຈັດຕັ້ງປະຕິບັດກະສິກໍາແບບມີສັນຍາ;
5. ເກັບກຳ, ສັງລວມ, ສ້າງ ແລະ ພັດທະນາລະບົບຖານຂໍ້ມູນ ແລະ ບົດຮຽນ ກ່ຽວກັບກະສິກໍາແບບມີສັນຍາ ແລະ ການເຊື່ອມໂຍງຕະຫຼາດໃນຮູບແບບຕ່າງໆ ໃນແຕ່ລະໄລຍະເພື່ອຮັບປະກັນການນໍາໃຊ້ສະດວກ ແລະ ທົ່ວເຖິງ;
6. ສາທິດການຈັດເກຣດ, ຫຸ້ມຫໍ່ ພາຍໃນສູນຝຶກອົບຮົມທຸລະກິດກະສິກຳ ແລະ ເຊື່ອມໂຍງຕະຫຼາດ;
7. ສ້າງຖານຂໍ້ມູນຂ່າວສານການສົ່ງເສີມ ແລະ ສັງລວມບັນດາບົດຮຽນດີເດັ່ນໃນການຜະລິດ, ການດໍາເນີນທຸລະກິດກະສິກຳ ຂອງຜູ້ປະກອບການ, ຟາມ, ຄອບຄົວ, ກຸ່ມ ແລະ ສະຫະກອນໃນຮູບແບບຕ່າງໆເຊັ່ນ: ຄູ່ມື, ວາລະສານ, ແຜນພັບ, ໂພສເຕີ ແລະ ສື່ດີຈີຕ໋ອນ ເພື່ອໂຄສະນາເຜີຍແຜ່ ໃຫ້ທົ່ວເຖິງ ແລະ ກວ້າງ ຂວາງ;
8. ອອກແບບຫຼັກສູດຝຶກອົບຮົມ ແລະ ສ້າງຄູຝຶກ ດ້ານການສົ່ງເສີມບໍລິການຄວາມຮູ້, ກະສິກໍາແບບມີສັນຍາການເຊືື່ອມໂຍງຕະຫຼາດ, ຂໍ້ມູນຂ່າວສານການສົ່ງເສີມ, ການສົ່ງເສີມກະສິກໍາສີຂຽວ, ລະບົບການຄຸ້ມຄອງວຽກງານສົ່ງເສີມກະສິກໍາ, ການບໍລິຫານ ແລະ ຄຸ້ມຄອງສູນ/ສະຸຖານີບໍລິການເຕັກນິກກະສິກໍາ;
9. ສ້າງຂີດຄວາມສາມາດ ໃຫ້ແກ່ພະນັກງານສົ່ງເສີມກະສິກໍາ, ສຸນ, ສະຖານີບໍລິການເຕັກນິກ, ອົງການຈັດ ຕັ້ງຊາວກະສິກອນ ແລະ ຜູ້ປະກອບກິດຈະການທຸລະກິດກະສິກໍາ ດ້ວຍການຝຶກອົບຮົມ, ທັດສະນະສຶກສາແລກປ່ຽນບົດຮຽນ, ແລະ ການສ້າງເຄື່ອຂ່າຍລະຫວ່າງສູນ, ສະຖານນີບໍລິການເຕັກນິກກະສິກໍາ;
10. ສ້າງກົນໄກເຊື່ອມໂຍງການຕະຫຼາດ, ການຮ່ວມສໍາພັນເສດຖະກິດ, ການແລກປ່ຽນບົດຮຽນ ລະຫວ່າງຜູ້ຜະລິດ, ຜູ້ປະກອບການ ແລະ ນັກວິຊາການ ດ້ວຍການຈັດງານວາງສະແດງສິນຄ້າ, ການປະກວດຜະລິດ ຕະພັນ ແລະ ການສໍາມະນາວິຊາການ ໃຫ້ກວ້າງຂວາງ;
11. ຄຸ້ມຄອງ ແລະ ເອື້ອອໍານວຍການດໍາເນີນງານ ຂອງສູນຮຽນຮູ້ທຸລະກິດກະສິກໍາ ແລະ ເຊື່ອມໂຍງຕະຫຼາດ;
12. ປະສານງານ, ຮ່ວມມືກັບອົງການຈັດຕັ້ງທີ່ກ່ຽວຂ້ອງ ທັງພາຍໃນ ແລະ ຕ່າງປະເທດ ເພື່ອຍາດແຍ່ງການຊ່ວຍເຫຼືອທາງດ້ານງົບປະມານ ແລະ ເຕັກນິກວິຊາການ ບົນພື້ນຖານການຕົກລົງເຫັນດີຂອງກົມ;
13. ຄົ້ນຄວ້າ, ເກັບກຳຂໍ້ມູນ, ສັງລວມ, ສະຫຼຸບລາຍງານວຽກງານສົ່ງເສີມກະສິກຳແບບມີສັນຍາ ແລະ ເຊື່ອມໂຍງຕະຫຼາດ ປະຈຳເດືອນ, 3 ເດືອນ, 6 ເດືອນ, 9 ເດືອນ, ປະຈຳປີ, ກາງສະໄໝ ແລະ 5 ປີ ໃຫ້ຖືກຕ້ອງ, ຄົບຖ້ວນ, ເປັນປົກກະຕິ ແລະ ທັນເວລາ;
14. ປະຕິບັດໜ້າທີ່ອື່ນ ຕາມກົດໝາຍ, ລະບຽບການ ແລະ ການມອບໝາຍ ຂອງຂັ້ນເທິງ.